"Әділет" ДП Қызылорда облыстық филиалының саяси кеңес мүшелері мен белсенділерінің кезектен тыс отырысы

"Әділет" демократиялық партиясының Қазақстандағы құқық қорғау жүйесін реформалау мәселелері жөніндегі ағымдағы жылдың 17 тамызындағы Мәлімдемесіне сәйкес, "Әділет" ДП Қызылорда облыстық филиалының саяси кеңес мүшелері мен белсенділерінің кезектен тыс отырысы.

2010 жылдын 24 тамызында "Әділет" ДП Қызылорда облыстық филиалының саяси кеңес мүшелері мен белсенділері "Әділет" ДП орталық аппаратының Қазақстандағы құқық қорғау жүйесін реформалау мәселелері жөніндегі мәлімдемесіне сәйкес, өздерінің кезектен тыс отырысын өткізді.

Қатысушылар контигенті:

1. Облыстық ішкі саясат департаментінің өкілі.
2. Саяси партиялардың филиалдарының жетекшілері мен мүшелері.
3. Бұқаралық ақпарат құралдарының өкілдері.

Отырыста филиал төрағасы А.Раманқұл сөз алып, осы уақытқа дейін партияның орталық аппаратының атқарып келе жатырған жұмыстары жайлы отырысқа қатысушыларға қысқаша ақпарат берді.

Сонымен қатар, ағымдағы жылдың 17 тамызында Алматы қаласында өткен "Әділет" ДП Қазақстанның құқық қорғау жүйесін реформалау мәселелері жөніндегі баспасөз конференциясында жасалған мәлімдеме мазмұнымен таныстыра келе, аталмыш жүйені реформалау –кезек күттірмейтін өзекті мәселелердің бірі екенін және осы мәселеге байланысты "Әділет" ДП жан-жақты қамтылған ауқымды ұсыныстар ұсынумен қатар, құқық қорғау жүйелерін реформалау шараларын жүзеге асыру қоғамымызды демократияландырудың шешуші кезеңіне айналуы әбден мүмкін екенін нақты түрде атап өтті.

Еліміздің тәуелсіздік алған жылдарынан бері ең көп реформалауға ұшыраған жүйелердің бірі құқық қорғау жүйесі екенін ескере отырып, еліміздегі осы кезге дейін созылған "Үздіксіз құқықтық регламенттеу тәжірибесінің" уақыт талабына сай емесі, заңдардың адам құқығын қорғаушы ретінде, сапасының арттырылуы, парламенттік және қоғамдық бақылаудан тыс болмауы керек екендігі баршаға белгілі болды.

Сонымен қатар, баяндамашы осы уақытқа дейін жүргізілген реформалардың адам құқығы мен еркіндігін, олардың өмірі мен мүлкін қорғаудан бұрын, саяси мақсатты көздеп, жасалып жатырғанын атап айтты.

Баяндамашы өз кезегінде филиалдың саяси кеңесінің мүшелері мен белсенділерін "Әділет" партиясының орталық комитетінің еліміздегі құқық қорғау жүйесін реформалау мәселелеріне байланысты жасаған мәлімдемесінің мәтінімен толық таныстыра отырып, партияның орталық аппаратында қаралып жатырған мәселелерге дер кезінде үн қосып, халыққа партияның атқарып жатырған жұмыстары мен басқа да қажетті ақпараттарды дер кезінде жеткізіп отыруға шақырды.

Посмотреть››