2010 ж. 28 маусым күні сағат 10-да Астанада "Нұр Отан" ХДП парламентаризм Институты жанындағы саяси пікіралмасу клубының отырысы болып өтті. Онда қатысушылар "Қазақстанның индустриялық-иновациялық серпінді дамуы: қазіргі мәселелері және болашағы" тақырыбын талқылады.

Отырыстың мақсаты – еліміздің индустриялық-иновациялық дамуы мәселелерін талқылау және оның жақын болашақтағы әсерін болжау болды. Қатысушылар осы жобаның тиімді жүзеге асуына қоғамдық қолдау көрсетудің жолдарын анықтап, өз ұсыныстарын енгізді.

Саяси пікіралмасу клубының отырысына ҚР Парламент депутаттары, азаматтық қоғам институттарының өкілдері, саяси партиялар мен ғалым-сарапшылар қатысты.

Саяси клубтың отырысында "Әділет" партиясының төрағасының бірінші орынбасары Төлеген Сейдомарұлы Сыдық "Қазақстан Республикасының 2010-2014 жылдарға арналған индустриалды-иновациялық серпінді дамуы" (ИИСД) мемлекеттік Бағдарламасы туралы" атты баяндама жасады. Төлеген Сыдық өз баяндамасында аталған мемлекеттік Бағдарламаны жан-жақты сынға алды. Мысалы, иновация деп біз жаңа технологияны енгізуді айтамыз. Ал Үкімет Бағдарламасында ескірген автомобиль құрастыру зауыты да инновациялық Жоба ретінде қарастырылады. Әрине, бұл Қазақстан үшін жаңа өндіріс болуы мүмкін, бірақ, бұл өндіріс ешқашан инновациялық бола алмайды. Себебі, біз тозығы жете бастаған технологияны әкеліп отырмыз. Ал өзіміздің инновациялық өнімді шығаруға бізде ешқандай да ғылыми-технологиялық және конструкторлық-тәжірибелік базалары жасақталмаған, – деп, ИИСД-ның ең осал жерін атап көрсетті.